Утырышлар залыннан
Россиянең социаль фонды: пенсия һәм социаль иминиятләштерү берлеге
Ютазы районында клиент хезмәте хезмәт коллективының хисап
җыелышында 2024 елгы эшчәнлеккә йомгак ясалды һәм киләсе елга
бурычлар билгеләнде.
Клиентлар хезмәте җитәкчесе Илмира Абдуллина җитәкчелегендә узган
җыелышта район башкарма комитеты җитәкчесе Светлана Самонина һәм ТР
буенча СФР бүлеге идарәчесе урынбасары Фердинат Закиров катнашты.
Абдуллина билгеләп үткәнчә, Россия Социаль фонды халыкның барлык катламнарының тормыш сыйфатын яхшыртуга юнәлдерелгән барлык
программаларны да тормышка ашыра.
- Без яңа оешма - Россиянең социаль фондында ике ел эшлибез инде, - дип
билгеләп үтте үзенең чыгышында Илмира Абдуллина, - ул үзендә пенсия һәм
социаль иминият хезмәтләрен берләштерде. Безнең оешма тарафыннан
күрсәтелә торган хезмәтләр саны берничә тапкырга артты. Ә бу хезмәтләр
бөтен гражданнарга – балаларга, булачак аналарга, ата-аналарга,
пенсионерларга, мөмкинлекләре чикләнгән кешеләргә, хәрби хезмәткәрләргә,
ветераннарга күрсәтелә. Ягъни барлык социаль түләүләр – пенсияләр, ана
капиталы, балалар пособиеләре, инвалидларга түләүләр һәм башкалар
һәрвакыт үз вакытында билгеләнә.
Җыелышта әйтелгәнчә, фонд СВО катнашучыларын социаль тәэмин итүгә
аерым игътибар бирә. Шунысын да билгеләп үтәргә кирәк, социаль фонд
вәкаләтләренә хәрбиләрне, мобилизацияләнгәннәрне, ирекле
формированиеләр әгъзаларын, шулай ук аларның гаилә әгъзаларын тулы
озату күчте. Ташламалы категориядәге барлык гражданнарны Республика
фонды реабилитацияләүнең техник чаралары белән тәэмин итә. Узган елдан
Фонд СВОның демобилизацияләнгән катнашучылары өчен электрон
сертификат чыгара башлады. Бу хәрби җәрәхәт алган кешеләргә сертификат
рәсмиләштерүгә гариза бирергә кирәкми дигәнне аңлата. Инвалидлыкны
билгеләү һәм реабилитация чаралары белән тәэмин итү кирәклеге турында
мәгълүмат алгач, Фонд барысын да үзе эшли.
Тулаем алганда, хезмәт коллективы эшчәнлегенә Фердинат Закиров югары
бәя бирде, ул Фонд эшчәнлегенең төп аспектларына җентекләп тукталды,
кешеләр белән эшләүчеләрнең эш сыйфатын бәяләүнең төп критерие
бурычларын вакытында үтәү, шикаятьләр булмау һәм халыкның
канәгатьсезлеге булуын ассызыклады. Безнең районның СФР клиент хезмәте
эшенә караганда, йөкләнгән йөкләмәләрнең артуы халыкка күрсәтелә торган
хезмәтләрнең сыйфатына тәэсир итмәгән. Моны район башкарма комитеты
җитәкчесе Светлана Самонина да ассызыклады. Чара Хезмәт өлкәсендә
лаеклы танылу алган хезмәткәрләрне бүләкләү белән тәмамланды.
Игътибарга. Районда 661 иминиятләштерүче бар: 242 эш бирүче һәм 419
шәхси эшмәкәр. Район буенча пенсионерлар саны - 6339 кеше. 1190 инвалид
исәптә тора. Җыелыш барышында сүз клиент хезмәте һәм социаль Фондның
башка актуаль мәсьәләләре турында да барды.
Роза Искәндәр
Тулырак: https://yutazy.ru/news/video/iz-zala-zasedanii-1740040824