Ютазы районы делегациясе Яр Чаллыда узган республика конференциясендә
29 майда Яр Чаллыда Татарстанда территориаль иҗтимагый үзидарәләр (ТИҮ) эшчәнлегенең актуаль мәсьәләләренә багышланган республика конференциясе узды. Ютазы районыннан район башлыгы урынбасары Закуан Ильясов җитәкчелегендәге делегация чыгыш ясады.
Конференциягә тәҗрибә уртаклашу өчен бөтен республикадан 450 активист һәм ТИҮ лидерлары килде. Грантларны гамәлгә ашыру, матур бәйрәмнәр оештыру һәм, әлбәттә, территорияләрне төзекләндерү — безнең халыкның тормыш сыйфатына турыдан-туры йогынты ясый торган темалар буенча фикер алышынды.
Ютазы районы делегациясенә Татарстан Республикасы ТИҮнең уңышлы тәҗрибәләре турында беренче кулдан белү өчен уникаль мөмкинлек бирелде. Конференция турындагы тәэсирләре белән «Йолдызлык» ТИҮ рәисе Рима Киреева уртаклашты:
"Очрашуның оештыру дәрәҗәсе мине бик сокландырды! Чыннан да, территориаль иҗтимагый үзидарәләр халык белән хакимият органнары арасында диалог булдыруда гаять зур роль уйный. Аеруча шуны ассызыклыйсым килә: җирле әһәмияттәге мәсьәләләрне хәл итүгә халыкны җәлеп итү — ТИҮ эшендә төп юнәлеш, ул турыдан-туры тормышыбызның сыйфатын яхшыртуга ярдәм итә».
Мондый чараларда катнашу - районыбыз өчен иң яхшы тәҗрибәләрне үзләштерү, элемтәләрне ныгыту һәм ТИҮләрне үстерүне дәвам итү, Ютазы районын тагын да яхшырту өчен менә дигән мөмкинлек!