Район башлыгы район журналистлар белән очрашты

Агымдагы атнада район башлыгы Рөстәм Нуриев район газетасы һәм кабель телевидениесе журналистлары белән янәдән очрашты.

Сүз район тормышы, нигездә, электр станциясе язмышы, торак-коммуналь хуҗалыгына хас мәсьәләләр, бистә үсешенә кагылышлы башка сораулар турында барды. Журналистларны  авыл хуҗалыгындагы, мәгариф системасындагы вәзгыять кызыксындырды. Район башлыгы сәламәтлек саклау өлкәсен дә читләтеп узмады.Әгәр кешеләр бердәм булган очракта гына, һәр тармакта туган сорауларны чишәргә мөмкин, дип үз фикерен ассызыклады Рөстәм Нуриев.