ЯҢАЛЫКЛАР
Бүген "Олимп" спорт мәктәбендә гер спорты буенча ярышлар уза. Призлы урыннар өчен 45 спортчы көрәшә, алар арасында Октябрьский шәһәреннән һәм Бакалы район үзәгеннән кунаклар да бар.
Казан дәүләт аграр университеты 22 майда 14:00 сәгатьтә Татарстан Республикасы Авыл хуҗалыгы һәм азык-төлек министрлыгы ярдәме белән онлайн форматта Ачык ишекләр көнен үткәрә.
Үзәк китапханәнең уку залында, ветераннар Советы белән берлектә, Хәтер һәм кайгы көненә, Бөек Ватан сугышы башлануның 80 еллыгына багышланган, «Сугышның изге сәхифәләре кешеләр хәтерендә мәңге сакланыр” дип исемләнгән үзләре иҗат иткән шигырьләрне укучылар бәйгесе үткәрелде.
Бәйрәкәтамак авыл җирлеге башлыгы Әхмәтов Ф.В., ветераннар советы рәисе Әхмәтвәлиева Әлфирә Гайфулла кызы һәм хатын-кызлар советы рәисе Әхтәмова Ризидә Нусрат кызы 90 яшьлек юбилее белән Шәмсеруй Хәмзинаны тәбрикләде.
Юбилярны район башлыгы Аяз Шәфыйгуллин котлады. Ул тантана сәбәпчесенә изге һәм ихлас теләкләрен җиткерде.
ЮХИДИ инспекторы, «Юл хәрәкәте иминлеге» дәүләт бюджет учреждениесенең профилактика бүлеге начальнигы, Балалар иҗат үзәге педагоглары белән берлектә, балаларның юлда самокатларда, роликлы тимераякларда, героскутерларда һәм башка шәхси мобильлек чараларында үзеңне куркынычсыз тотуга багышланган әңгәмә үткәрде.
Район мәдәният йорты каршында алыштыргысыз җитәкче Гөлназ Ханнанова оештырган театр коллективы үсә, тәҗрибә туплый
Александр Невскийның 800 еллыгы уңаеннан, 20 май көнне Үзәк китапханәнең уку залында Урыссудагы 3 санлы мәктәпнең 7 сыйныф укучылары өчен "Александр Невский – великое имя России!» дип аталган патриотик сәгать үткәрелде.
Урыссу поселогының 7 нче санлы балалар бакчасы базасында "Ел тәрбиячесе "район конкурсының 1 нче этабы узды.
Ремонт эшләре башкару сәбәпле, иртәгә, 2021 елның 21 маенда, сәгать 9.00 дан 12.00 гә кадәр, Урыссу поселогының Көнчыгыш, Юбилей, С. Гобәйдуллина, Энергетиклар, Ф. Кәримов урамнары буенча электр энергиясен вакытлыча өзеп тору планлаштырыла.